Туркиянинг Истанбул шаҳрида икки жиноий гуруҳ ўртасида қуролли отишма содир бўлди. Оқибатда воқеа жойига яқин ҳудудда ишлаётган самарқандлик шахс яраланиб, касалхонада вафот этди. Унинг жасадини Ўзбекистонга юбориш учун ёрдам кўрсатилди.
Россия қамоқхонасидан Украинадаги урушга «сафарбар қилинган» 23 ёшли ўзбекистонлик ҳалок бўлди. Онасининг айтишича, у қўлига ҳеч қачон қурол олмаган. «„Мен хизмат қилмайман, одам ўлдирмайман, онажоним, мен бормайман, десам ҳам мажбурлашди“, — деди», — дея ўғли билан сўнгги суҳбатни ёдга олди у.
Россияда қамоқ жазосини ўтаётган Қорақалпоғистоннинг Элликқалъа туманида яшовчи фуқаро Украинада вафот этди. Қайд этилишича, эркак Украинага қурилиш ишлари учун жўнатилган ва у турган жойга снаряд келиб тушган.
Сешанба куни Россиянинг Москва вилоятидаги Митиши шаҳрида 2 ўзбекистонлик ва уй эгаси кўп қаватли бинода чиққан ёнғин туфайли вафот этди. Ёнғинга сигарета қолдиғи ўчирилмагани сабаб бўлгани айтилди.
ТИВ расмий вакили «Жибек жоли» ўтиш пунктида Қозоғистондаги тартибсизликларда иштирок этганликда гумон қилиниб, қўлга олинган шахс Ўзбекистон фуқароси эканлигини рад этди.
46 ёшли Ўзбекистон фуқароси Санкт-Петербургда 2009 йилда туғилган қизчани зўрлаганликда гумонланиб, қўлга олинди. Ҳозирда жиноят иши қўзғатишга оид масала муҳокама қилинмоқда.
Сенат Ўзбекистон фуқаролиги тўғрисидаги қонунга ўзгартишлар киритишни маъқуллади. 2005 йилгача Ўзбекистонга келган фуқаролиги бўлмаганлар ва камида 15 йил мамлакат ҳудудида яшаган шахслар Ўзбекистон фуқаролигини олишлари мумкин.
Туркиянинг Истанбул шаҳрида курьер бўлиб ишлаган 31 ёшли Ўзбекистон фуқароси тиланчилик билан шуғулланувчи шахс томонидан пичоқлаб ўлдирилди. Можарога ўзбекистонликнинг ишлаш кераклиги ҳақидаги танбеҳи сабаб бўлган.
Қозоғистон Ички ишлар вазирлигининг маълумотларига кўра бир йил давомида меҳнат қуллигида бўлган Ўзбекистон фуқароси иш берувчига нисбатан ҳеч қандай даъвоси йўқлигини, иш шароитлари ва иш ҳақидан қониққанини айтди. У Ўзбекистонга қайтиш ниятида эмас. Қўзғатилган жиноят иши ёпилган.
Қозоғистонда 58 ёшли Ўзбекистон фуқароси бир йил давомида меҳнат қуллигида ўтказди. Ҳужжатлари олиб қўйилган ва унга жисмоний зўравонлик билан таҳдид қилинган.
Украина пойтахтидаги «Леонардо» бизнес марказида жойлашган банкда ходимни гаровга олган ва банкни оёғига бойланган бомба ёрдамида портлатиб юбориш билан таҳдид қилаётган шахснинг Ўзбекистон фуқароси экани айтилмоқда. Украина хавфсизлик хизматининг тезкор гуруҳи таҳдидчини қўлга олганини маълум қилди.
Қўшимча имкониятларга эга булиш учун сайтда рўйхатдан ўтинг